撰曲：蔡衍棻 齊宣王——陳小漢 鐘無艷——陳韻紅 【解心腔二流】 生：天清朗，沉醉秋光無悵惘， 遙望白雲間，山外層林廣， 馳驟獵郊原，鋒鏑且露鋒芒， 念朕當朝一派升平氣象 【合尺花下句】 生：縱目北山來鴻雁 凌雲羽箭驚雁行 侍臣隨朕走林間 尋得雁兒當厚賞 侍衛白:領命! 旦：（白:走呀） 【正線孟姜女】 旦：過嶺·穿山我正射獵忙· 不須引弓飛羽墮崖旁， 翎箭穿心驚見雁兒落 頓教我無艷女驚喜異常· 旦白：哎呀！ 【二簧思賢合字序】 旦：獵物無由我便得是什名堂 難道天公忽來關顧我 鴻運今朝當頭天降大吉祥 嘆射雁之人 百步穿楊非等閒之輩 令我心欽仰 生：（驚白：啊！） 【二簧下句】 生：忽見山前綠樹 掩映麗·影紅·裳 【快二簧】 生：還見她· 手中持·· 帶箭雁兒端詳細⋯看 煩把箭翎還我 我下·禮忙忙 旦：（白:還俾你！） 【正線叮嚀】 旦：何來漢子疏狂 狂言取索雁兒忙 見到便宜卻垂涎 禮盡忘太不識相 生：言語低聲哪裡便說狂 原物索取豈算無狀 旦：誰言箭矢出自你家 生：還望你詳加低頭看 生：（白：箭桿之上刻有標記咖呀哩位姑娘） 旦：（白:標記? 待奴一觀 齊宣王御用 齊宣王御用 嚇！難道你⋯） 生：（白：好話嘞） 【正線二簧慢板】 生：朕正是宣王 把江··山執掌 生白：喂! 生唱：你奪我穿雲寶箭 冒··犯·孤⋯王 【序】旦：睇你唔多似帝皇！ 【曲】旦：無賴輕狂 毫·無貴⋯相 生：（白：嚇！你鬧我呀?） 旦：（白:鬧你又點呀!） 生白:哈！ 【正線泣殘紅】 生：我自從坐穩江山，繼先皇稱孤道寡 有誰大膽似甕缸樣 乜你起勢咁鬧為王 語語尖酸 生：（白:啊！咁又唔同，咁又唔同！） 生唱：卻又幾分撩人似鶯唱 荊釵服淡素妝 一絲也未掩佢妙美色相 旦：你盯住了奴奴 是登徒漢 在這荒野定存惡念 聖人有道非禮勿視 你太無良我要提防 不許你來霎戇 旦；（白：聽到未呀你） 生：（笑白：哈哈⋯⋯） 【梆子中板】 生：看她倒竪雙··眉 圓睜鳳眼 嬌妍柔·態 風韻不尋·常· 後宮佳麗縱三·千 盡是俗粉庸脂 不及此姑娘模樣 生：（笑白：哈哈⋯） 生唱：敢問句姑··娘 你高名大姓對孤直·說 又何妨呢咁好嘛 旦：樹·正不怕影·斜 管你假帝真皇 奴也直來直⋯往 行不改名 坐不改姓 我芳名叫做鍾無艷 家住山下村·莊⋯⋯ 【正線走馬尾段】 生：孤再動問句無艷，可有遂就題紅望 旦：你此人實在太無狀 我小姑居處何曾便有郎 生：（白：哦!小姑居處呀！ 即繫⋯尚未食人家茶禮啦！ 咁就好咯!） 旦：（白：好好 好，好乜嘢呀好 你估我嫁唔去咩！哼！） 【反線中板】 旦：多少公子王孫 都甘拜我石榴裙下 我懶望他一眼 正是鶴立雞群 不同凡俗 自賞孤芳 旦：（白：喂！） 旦唱：你我間 只是萍水相逢 向無來往 【木魚】 生：我非貴冑王孫· 也甘石榴裙下拜· 你高高嘅眼角 不用望向他·方· 吩咐左右侍臣 侍衛白:在 生唱：扶起哩位大姑娘哩 侍衛白:知道！ 生唱：皇恩浩蕩選入宮牆 旦白：哼! 旦唱：就算你真係宣王 旦白:做妃嬪呀 旦唱：我都唔想嘅啵 生白:咁你想點呀? 旦白:我呀？哈哈！ 【正線二簧】 旦：除非係正宮皇后 咁就才可以呀商量 生：（白：鍾無艷上前聽封！） 生唱：封你為皇后掌昭陽 等你隨心所想 旦：（白：嚇！真咖？） 【沉腔花下句】旦：哎吔吔 果真是雁從天降 無端端就做咗個正宮娘娘 生白:喂 旦白：哦 生白：仲唔快啲 旦白:快 快啲乜嘢呀 生白:哈哈⋯你話謝主隆恩 旦白:哦!謝主隆恩! 生白：唔，孤王封你為皇后 梓童平身 旦白:哦，梓童? 梓童係乜誰嚟咖? 生白:哈哈⋯乜誰? 梓童即係皇後 旦白：哦 生白：朕叫你呀 旦白:啊,謝主上 生白：嚇！奇嘞！ 【隨風而逝】 生：呢個村姑無艷 與孤對面惟見佢半邊妝 未見佢正面樣 是帶怯帶羞來 抑或故為作狀 哼!待我驀地轉身 睇真佢個樣 旦：低頭掩半面 含羞更徬徨 生：（驚白：哎呀！） 【正線金錢花】 生：終於得窺真相 冤孽賬 她半臉面如花爭艷放 但又半臉如炭真異相 旦：（白:咦!點解佢頭先蓮子蓉咁面口 轉眼就變成黑面玄壇嘅呢嚇?） 生：（大呼白:鍾無艷！） 旦白：哦 【梆子慢板】 生：罵句鍾無艷· 膽大欺天· 旦：我大罪何來· 你無·風起浪 生白：嘿！ 生唱：你一邊醜來一邊美 遮一半嚟露一半· 旦：是我爹娘生我 便是半面之妝 是你一見我便鐘情· 急急如律令· 生：怪我性急猴擒 我何其孟浪 旦：我自稱無艷 即係擺明非美女· 並無隱諱 生：作繭自縛 怨孤皇 旦：（白:主上,我個塊面呀） 【反線粉牆花】 旦：一邊花一樣 一邊黑炭樣 未似天仙佢咁好樣 但有忠肝赤膽一副 保君安國絕藝憑仗 生：你有哪一樁技藝咁馨香 若再將孤欺騙定責刑仗 旦白：你聽住！ 【快中板】 旦：我嘅功夫堪誇獎 你雲中射雁我百步穿楊 【滾花】旦：飛步轉身 弓··怒·向· 旦：（白:皇上看箭！） 生：（白:好膽！） 【花下句】 生：彎弓居然來射朕 彌天大罪弒君皇 哼!猶幸孤閃避及時 龍體至絲毫無恙 旦：（白:絲毫無恙?哈哈⋯⋯） 旦唱：請看皇冠珠一串 生：（楔白:嘿！何以寶珠十缺其一嘅） 旦唱：寶珠脫落未傷·皇 生：（白:係啵,乜咁犀利嘅） 旦；（白:犀利哩！） 【正線催歸詞】 生：孤家好彩數 佢弓矢·堪稱上 朕個頭冇損傷 生：（浪白:好箭法,好箭法） 旦：奴太謬妄，奴太謬妄 恐惶恐惶 還求恕諒 生：（白:唔係我原諒你 係朕多謝你至啱） 旦：（白:何出此言呢？） 【滾花】 生：多謝你手下留情 免我一箭穿心 九泉往 旦：（白:多謝就不必啦） 旦唱：只想問明主上 何時迎我入昭陽⋯⋯ 生：（白:呃··這個⋯⋯） 旦：（白:事到如今還這個哪個） 生：（白:呃，有錯） 【七字清】 生：還須內廷詳備案 拜告皇天與先王 再擇良辰定如卿望 【三字經】 旦：無媒證我難安 生：半珠串證朕言不爽 旦：期一月我要拜堂 君無戲·言 生：且把心放⋯⋯ 旦：（白:咁呀,咁你使唔使誓個願 表示主上不會忘記此事呢） 生：（白:噓,唔使囉） 【滾花下句】 生：適才間你兜頭一箭 已教我永世難忘⋯ 旦:(白：主上) 【孔雀開屏尾段】 旦：且對蒼天一拜 村女得見聖上 色相才華受皇賞 恩賜大婚福澤廣 生：孤家徒自悔且自怨 金口亂開封咗佢做娘娘 旦：（浪白:正是!宣王幸遇鍾無艷⋯） 生:（浪白:艷 艷 艷，艷福無邊） 旦：（浪白：嚇） 生：（浪白：係為王咯！ 旦唱：龍緣鳳緣天賜天降 生：我身為皇上天意未可抗 旦：（白：謝主隆恩!） 旦：（笑白：哈哈哈） 生：（尷尬白：哈哈哈）

最喜欢这个前奏，非常好听！

没歌词，听不懂

歌词

好